١- خلال مسيرتك في الشعر كنت بتتعامل ازاي مع الحوارات الصحفية اللي كانت بتقابلك؟
خلال مسيرتي ف الشعر كنت ب اتعامل مع الحوارات الصحفية ب كل تلقائية عادي مش شرط اقعد افكر في الإجابة كتير ولازم أكيد اكون صادق ف كل كلمة بقولها
٢- الشعر الحقيقي هو انعكاس لموهبة الشاعر بس ده مبيقاش كافي لإنتاج ما نسميه من إبداع، شايف اي العوامل اللي بتساهم في تشكيل هذا التجربة؟
الشعر الحقيقي هو انعكاس ل إحساس الشاعر مش شرط موهبته، إحساسه و قدرته انه يخرج نص ب يعبر فيه عن كل ما هو مر بيه ب اسلوب سلس و الكل يحبه ده ف حد ذاته إبداع
٣- شعراء كتير في الوسط الأدبي عندهم حظ في حد شهرتهم ولكن معندهمش المعجم اللغوي زي ما هو عندك وعن الشعراء العظماء بتفسر ده بايه؟
يعني ب أفسر ده ب انه توفيق ربنا ، لأن كل واحد فينا ب يجتهد و ب يتعب عشان يوصل ل حلمه، الشاطر بقى اللي يكمل ل الآخر في ناس كتير عندها معجم لغوي كويس و شاطرين اوي بس ب يملوا من طول الطريق هما بيبقوا عندهم فكرة ان مفيش حد ب يدعمهم و مايعرفوش أنهم اكبر دافع ل نفسهم الناس اللي وصلت دي وصلت عشان تعبت واجتهدت ب غض النظر عما يستحقوا أو لا بس انا شايف أنهم يستحقوا انا دلوقتي يعتبر ف نص الطريق وعارف اني لو كملت هوصل وب إذن الله هكمل
٤- بمناسبة عنوان ديوانك الجديد اي هو انطباعك الأول كقارئ وانت بتقرا مثلا ديوانا شعريا بالاسم ده؟
انا اكتر حاجة ب تلفتني عموما لو انا ما اعرفش الكاتب خالص ، هو إسم الكتاب اللي هو عامله ، شكل الغلاف ، دي كلها عوامل ب تجذبني انا ك قارئ اني اشتري الكتاب ده
٥- لو كنا سنحتكم بوعينا الحالي ولضمائرنا كمبدعين شايف إن الصمت على كل ما يحدث حاليا هو الجواب الأمثل؟
مش الجواب الأمثل خالص بس احنا زي ما يكون ب نأذن ف مالطة زي ما بيقولوا يعني مهما نتكلم إذ ماكنش كلامنا ده هيضرنا اكتر مفيش حاجة هتتم فبنسكت.
٦- شايف إن المدرس هو الأساس لأي انطلاقة أدبية؟
مش المدرس عموما هي ب تبدي ب تربية الأهل اولا ثم المدرس بعد كده لأن انا لو داخل المدرسة مش على القدر الواعي من التربية مهما يقول المدرس أو يحاول يعملنا ومش هنسمع ليه.
٧- في ثقافتنا العربية والمصرية بالتحديد علاقة الشعراء بالنقاد دايما متوترة ودايما مميزة باللامسؤولية وسوء الفهم اي اللي مخلي الصورة كدا؟
الفكرة ب تتبني ع اللي بنسمعه مش كل الشعراء ب يتوتروا م النقاد يعني في ناس ب تتربى على ان احنا لازم نطلع حاجة تعجب النقاد قبل أي شئ و ده اللي بيخلق التوتر عموما فحين ان معظم الناس ب تتربى ان انا اكتب ل نفسي قبل أي حد و دول مش بيهمهم رأي النقاد اوي
٨- إبراهيم بيكتب في الوان كتير ومشاعر اكتر ف ايه اكتر لون مأثر فيك؟
اللون الحي الشارع ، التفاصيل ، الأحداث اللي بتحصل ، البيوت.
٩-لو قررت تسجل البوم كامل عن أحد دواوينك هيكون اني ديوان؟
الديوان الجاي إن شاء الله
١٠- قولنا اصعب حاجة حصلتلك ومحدش يعرفها غيرك؟
انا شايف ان أصعب حاجة حصلتلي ان دخولي فمجال الكتابة سببلي أذى نفسي كبير
١١- اخيرا، هل ستعتزل الكتابة يوما ما؟
مستحيل اعتزل طبعا إلا لو الكتابة ملت مني إنما أنا لا
٤- بمناسبة عنوان ديوانك الجديد اي هو انطباعك الأول كقارئ وانت بتقرا مثلا ديوانا شعريا بالاسم ده؟
