فرح جوده كاتبة مقالات ونصوص، تبلغ من العمر 18 عاما في الصف الثالث الثانوي ، من المحلة الكبري.
س/من الذي يشجعك على خوض هذا المجال؟
أمي في المقام الأول ساعدتني كتير وشجعتني ومُدرسيني في المدرسة كان فيه مسابقة قصص قصيرة وكسبنا فيها بقصتي اللي كتبتها وبعد كدة أصحابي،اللي شجعني انزل كتاباتي والدتي وأصحابي من خارج المجال وبدأت بالفعل وجات بعد كدة واحدة واحدة.
س/ما هي طقوسك في الكتابة؟ وطريقتك في جمع المصادر؟ وكيف توفقي بين الحياة الأسرية والتأليف؟
معنديش طقوس معينة، الفكرة بتييجي بدونها واشتغل عليها، مصادري مختلفة على حسب الموضوع اللي بكتب عنه إذا كانت حياتية أو شخصية أو نابعة من مشاعري، التوفيق بين الحياة عمومًا والكتابة صعب وسهل في آنٍ واحد يعني مش الصعب اللي يحال للمستحيل ومش سهل كليًا.
س/هل طرقتي باب النشر الإلكتروني أم ما زلتي تفضلي النشر التقليدي؟
بالفعل نزلت كتاب إلكتروني اسمه”22 نجمة” منذ 3 شهور، وكتاب ورقي مع مجموعة اسمه “حروف تنحني لها الأسطر” ، وكان الإلكتروني أفضل ليا بكثير من الورقي.
س/هل أنتِ مع أم ضد الكتابة بالعامية و لماذا ؟
الكتابة بالعامية لون وبالفصحى لون تاني، كمان فيه شعراء كتبوا عامية ولهم قصايد وأبيات شعر خالدة معانا، وكثير من الكُتاب افادونا.
الفكرة بس إن محدش يكتب عامية بطرق مستفزة وألفاظ وأفكار ركيكة ويسمي نفسه كاتب أو شاعر،مسألة تمكُن يعني، ما دامت الفكرة عندك تقدر توظف ألفاظك وتوصلها للناس بالطريقة الأسهل.
