حوار: نورهان حمد
حازم هلال كاتب ، يدرس في كلية هندسة زراعة جامعة المنوفيه، بدأ مشواره منذ سن 17 عام، وكان يسمع ويقرء الشعر منذ سن 15 عام.
س/من الذي يشجعك على خوض هذا المجال؟
“بصراحه مكنش ف حد من اهلى يعرف انى بكتب شعر بس انا من صغرى حابب الشعر وكنت بسمع هشام الجخ دايما وكنت بطلع مسابقات تبع المدرسه ف الالقاء ومن وقت ما بدأت اسمع لعمرو حسن هو دا ال شجعنى انى ابدأ اكتب”.
س/ما هي طقوسك في الكتابة؟ وطريقتك في جمع المصادر؟ وكيف توفق بين الحياة الأسرية والتأليف؟
“علشان اكتب لازم ابقى قاعد لوحدى ف اوضه بعد الساعه 3 الفجر وغالبا مفيش ولا قصيده كتبتها قبل المعاد دا بجمع المصادر من مواقف بتحصل معايا ف اليوم او حاجات حصلت معاياا قبل كدا او موقف شوفتو بعينى واستفزنى انى اكتب عنو حياتى الاسريه دايما منفصله عن التأليف التأليف دا هوايتى بقعد مع نفسي وبكتب انما اسرتى دا الحاجه الاهم ف حياتى وال بقضى معاهم اطول وقت ممكن”.
س/هل طرقت باب النشر الإلكتروني أم ما زلت تفضل النشر التقليدي؟
“انا اول ما بدأت اكتب مكنتش بنشر اى حاجه ليا على اى موقع
لكن بعد فتره من الكتابه وبعد ما القصايد بدأت تعجب اصحابي ال بيسمعو الكتابات بدأت انزل على فيسبوك وبعدين على اليوتيوب ونزلت على تويتر بس طبعا مفيش الريتش على اى موقع علشان انا مش معروف او ما اخدتش خطوه انى اقف على مسرح والناس تعرفنى”.
س/هل أنت مع أم ضد الكتابة بالعامية و لماذا ؟
“انا مع الكتابه بالعاميه وانا اخترت الكتابه بالعاميه علشان دى لهجة المجتمع ال احنا عايشين فيه والكلام ال بنقولو بيبقا قريب منهم وبيفهموه بسرعه شايف ان الكتابه بالعاميه ف الوقت دا هيا المناسبه للناس الـ بتسمع وبتقرأ”.
