حوار: خلود خالد
هي شابة في سن العشرين حققت نجاح كبير من اول ظهور لها بشخصية “زهرة” في مسلسل “ولاد ناس”، تحب التمثيل من وهي طفلة وعملت على تنمية مواهبتها عن طريق ورش التمثيل.
صرحت جهاد إمام للمجال على دورها في مسلسل ولاد ناس
من مرشحك لهذا الدور في مسلسل ولاد ناس؟
_ هو مكنش ترشيح هو تشيكن للكاست، دكتورة هايدي عبد الخالق قالتلي ان في كاستنج في مكتب The legend وروحت لاستاذة ياسمين عملتلي كاستنج هي والاستاذ يوسف كمال ويعتبر اللي رشحني للاستاذة ياسمين احمد السباعي وهو صديق مقرب ليا وبعدها شافني الاستاذ هاني كمال وشاف ان انا مناسبة للدور ولكن وزني مكنش مناسب وتخنت عشان اعمل الدور 11 كيلو.
تحدثي عن كواليس المسلسل.
_ الكواليس كانت لطيفة، الممثلين كلهم من اصغر حد لاكبر حد كانوا لذاذ اوي وكانوا على طول بيقولوا كلام يشجعنا و بيساعدنا كلنا من استاذ صبري فواز واستاذ بيومي فؤاد واستاذ ماجد الكدواني والاستاذة رانيا فريد شوقي و هاجر عفيفي كلهم بلا استثناء كانوا بيتعاملوا معانا علي اننا اخواتهم الصغيرين وكانت الكواليس لذيذة و الاستاذ هاني كمال كان شخص لذيذ جدا وانا محظوظه جدا ان اول حاجة اشتغلها يكون فيها كل الممثلين دور وخاصة الاستاذ هاني كمال كان مقدر ان في ناي اول مره بتشتغل وكان بيساعدنا اوي.
من الذي شجعك علي التمثيل؟
_ اكتر حد شجعني على التمثيل من وانا صغيرة ماما، هي اكتر حد كان بيساعدني اني ادخل ورش واتعلم حاجات، قدمت في معهد ولكن محصلش نصيب وقتها دعمتني وكانت اكتر حد سندني نفسيا وساعدتني اشتغل على نفسي طول الوقت.
مع اي ممثل تحلمي ان تمثلي معه؟
_ ناس كتيرة اوي منها الاستاذ يحيى الفخراني، كان نفسي اوي امثل مع استاذ سمير غانم الله يرحمه يعتبر الموضوع ده ماثر عليا لاني كنت بحبه اوي كان مصدر الهام ليا، الاستاذة منة شلبي و استاذة غادة عبد الرازق بحبها اوي واستاذة مني زكي وكريم عبد العزيز واحمد عز طبعا استاذة، في ناس كتير اوي منهم استاذة يسرا والهام شاهين ومحمد فراج وتايسون حقيقي هما ناس كتير مش عايزه انسي حد، كل حد فيهم بالنسبة ليا ايقونة في الحتة بتاعته وشاطر و عارف هو بيعمل ايه.
كيف استعديتي لتجسيد الشخصية؟
_ كان في شخصيات في حياتي قريبة شوية من زهرة من ناحية الشكل والتاثير النفسب اللي يعتبر سببه التنمر وهما صحابي من زمان فا كنت شايفة ده طول الوقت، كنت بتكلم معاهم في الموضوع ودخلت عملت بحث عنه ودورت اكتر فيه، استعنت بصاحبتي اخصائية نفسية علشان تساعدني اكتر وكان اكتر حد بيساعدني ساعتها استاذ هاني كمال وقف جنبب والدكتور فريد النقراشي كان بيشتغل معايا على الدور وكان مشجعني جدا وفضلت اكل كتير اوي علشان كان لازم اتخن زدت 11 كيلو عشان الدور وبدأت البس زي زهرة واتصرف زيها بعد ما وزني زاد عشان ابقى حاسة اني مش بدخل اللوكيشن البس جسم حد غيري كنت حابة اعيش مع الشخصية اكتر وخصوصا انها اول خطوه ليا، كنت بروح اللوكيشن لابسه لبس زهرة ومنت مثبتة شعري علي الكيرلي عشان اتعود على الشخصية ومكنش حاسة ان في حاجة غريبة
في عمل قريب هتشاركي في؟
_ هو الحاجات اللي جاتلي لحد دلوقتي اصغر من اللي انا عملته مش اصغر من حيث الحجم ولكن اصغر من حيث الشغل فانا عملت مجهود كبير ، انا مش عاوزه انزل حاجة مش متشافة في مجهود كبير اتبذل مش عاوزه ارمي المجهود ده عاوزه لما اعمل حاجه تكون احسن او على الاقل في نفس المستوى عشان افضل محافظة على تعب الناس معايا وعلي هدية ربنا ليا.
