كتبت: منى العدوى
ولد الشاعر أحمد عساف في 22 مارس 1996م.
وصدر له ديوان طريق هلاك عام 2018م، وسلك شايك عام 2020م، ومقدم برنامج حلم حياة على قناة الصحة والجمال، ومشرف عام على الصفحة الاديبة والثقافيه لدى جريدة جماهير مصر الحرة.
وفي حوار مع الشاعر/ أحمد عساف عن العقبات التي واجهته في بداية الطريق؟
أجاب: “العقبات إللي واجهتني في حياتي كتير، سواء في الشعر، أو الصحافة أو الإعلام،
مثلًا في البدايات النقد الهدام كنت بهتم بيه جدًا وكان هيدمرني، أغلبنا للأسف عندنا مشكلة لو ألف قالوا كلمة حلوة وواحد بس قال كلمة وحشة، الكلمة الوحشة دي هي اللي بتفضل في أذهانا، معرفش ليه بنمحي الألف مقابل الحاجة اللي بتتعبنا، ولكن حاولت أشتغل على نفسي وتخطيت دا، أما بخصوص الإعلام وتقديم البرامج ممكن الأزمة أكتر كانت ماديًا وكدا، ولكن قدر المستطاع حاولت أتغلب على الموضوع بطرق تانية تقدر تخلي الازمة دي تقل شيء ما”.
مين دعمك فى تحقيق حلمك؟
“أول ناس أهلي أبي أمي أخواتي، وبعدها أصدقائي على السويشل ميديا إللي كان لهم تأثير قوي بالنسبة ليا؛ لأن الحياة دلوقتي بقت بنسبة كبيرة تعتمد على السويشل ميديا”.
“ومن خلال موقع حضراتكم المحترم
حابب أوجه لهم التحية والشكر، وبقول لهم احتاج المزيد من دعمكم”.
مين بياخد من وقتك أكثر الصحافة ولا الشعر؟
“الشعر، الإعلام، الصحافة تكميليًا، في الوقت الراهن الإعلام هو اللي واخد تقريبًا كل وقتي؛ لأنه بيحتاج شغل كتير،
تسويق، إعداد، تجهيز للحلقات كثير؛ وربما لهذا السبب مهمل شويه في ظهوري كضيف شاعر مثل الأول، أو نشر إلا قليل جدًا”.
ايه آخر أعمالك القادمة؟
“ديوان يا سمرا، وإن شاء الله هيشارك في معرض الكتاب 2021”.
إيه الخبر التي تحب تنفرد بيه لجريدة المجال الاخبارية؟
“إن الإعلامية / رشا اليمني إن شاء الله هتشاركني في تقديم حلقة من برنامجي “.
والمفاجأة لكل جمهوري اللي بيحبني وبيتابعني بحضر لبرنامج جديد بجانب حلم حياة قريبا” .
